Митрополит Кипріян. Житіє митрополита Київського Петра (1260-1326)

Annotation

Metropolitan Cyprian. The hagiography of Peter, Metropolitan of Kyiv (1260-1326)

Key words: Metropolitan Cyprian, Metropolitan Peter's Hagiography, Old Ukrainian hagiography, Late Middle Ages.

Господи, благослови, отче!

Праведницы в вікьі жывуть и от Господа мзда ихъ, и строение ихъ от Вышняго. И праведникъ, аще постигнеть скончатися, в покои будеть. И похваляему праведнику, възвеселятся людие, зане же праведным подобаеть похвала. От сих убо единъ есть и иже ньіні нами похваляемыи священноначалникъ. И аще убо никто же доволенъ ныне есть похвалити достоиное по достоиньству, но пакы неправедно судих, таковаго святителя вінець неукрашенъ нікако оставити, аще и преже нас бывшии самохотиемъ преминувша. Смотрение и се нікое Божие, мню, и святаго дарование, яко и мы малу мъзду приимем, яко же и вдовица она, принесшиа дві мідь ници.

И азъ убо многыми деньми томимъ и привлачим любовию къ истинному пастуху, и хотящу ми малое нікое похваление принести святителю, но свою немощь сматряющу недостижьну къ оного величьству, удержаваахся. Пакы же до конца оставити и обмінитися тажчаиша вміних. Сего ради на Бога всю надежду възложивъ и на Того угодника, по діло выше м^ы нашея приях ся мало убо ми от жытиа его повідати, елико Богъ дасть и елико от сказателеи слышах, мало же и от чудесъ его. Ни бо аще не может кто всю глубину исъчрипати, оставити тако и ни поне малою чашею прияти и прохладити свою жажду. Тако и о сем недостоино судих, на его ми місте стоящу и на его гробъ зрящу, и того же ми престола наслідьствовавшу, его же онъ преже літ остави и къ небесным обителемъ преиде. Начну убо еже о немъ пові сть, рождение же его и въспитание, и еже из мира изъшествие.

Съи убо блаженыи Петръ родися от христиану и благоговіину родителю въ единомъ от мість земля Велынскыа. Прилучиже[ся] нічто сицево и прежде рождениа его, еже не достоит молчанию прідати. Еще бо ему сущу въ утробі матерни, въ едину от нощыи, свитающы дневи неділи, виді видіние таково мати его. Мніше бо ся еи агньца на руку держати своею, посреді же рогу его древо благолиствно израстъше и многыми цвітні же и плоды обложено, и посріді вітвеи его многы свіща свКгящых и благоуханиа исходяща. И възбудившися, недоуміяшеся, что се или что конець таковому видінию. Обаче аще и она недомышляшеся, но конець посміді съ удивлением яви, еликыми дарми угодника Своего Богъ обогати.

Рождьшужеся отрочати, и седмаго літа възрасти достигшу, вдано бывает родительми книгамъ учитися. Но убо учителеви съ прилежанием ему прилежащу, отроку не спішно учение творяшеся, но косно и всячьскы не прележно. О семъ убо немала печаль бяше родителем, немалу же тщету се вміняаше себі и учитель его. Единою же яко во сні виді отрокъ нікоего мужа въ святительскых одеждахъ пришедша и ставша над ним, и рекша ему: «Отверзи, чадо мое, уста своя». Оному же отверзъшу, святитель десною рукою прикоснуся языку его и благословившу его, и яко же нікоею сладостию гортань его нальявъшу. И абие възбудися отроча и никого же виді. И от того часа вся, елико написоваше ему учитель его, малым проучениемъ изъучааше, яко и в малі времіни всіхк съверьстьникъ своих превзыде и предвари.

Бывъшу же ему двоюнадесятим літом, иде къ прележащеи тамо пустыни въ единъ от монастырь, и от тамо сущаго игумена постризается и къ братии причитается. И съ отъятиемъ убо власныимъ и всяко мудрование смтрізает плотьское, и бывает свершенъ [въ] всемъ послушнику духовному отцю своему послідуя. В поварню убо воду на раму своемъ и дрова нося, и братия власницы измывая, зимі же и літі се творя безъпрестанно. Ни же се остави правило, еже по звону церковному пръвому обрітатися въ церкви въ нощьныхъ и въ дневных правиліх, и по скончани посліжде всіх исходити. Но и стоящу ему въ церкви и съ благоговіниемъ послушающу божественаго писаниа съ всякымъ прилежаниемъ, николи же въсклонися къ стіні. И літа убо доволна въ таковомъ устроени проводи день от дне, яко же нікоею ліствицею въсхождениа въ сердци полагаше, по Ліствичника указанию же и слову. Всегда убо наставника во всемъ послушая и братиамь без ліности служа, не яко человікому но яко самому Богу. И в^мъ образъ бываше благъ къ добродетельному житию смірениемь и кротостию, и молчаниемъ.

По времені же и диаконьское служение приемлет разъсужениемь наставничимь, потомъ же и презвитерьскому сану сподобися, и ни тако пръваго служениа не преста, еже служити братиамъ съ всякымъ см^ениемъ въ скрушени сердца. Но в желание приходить учению иконному, еже и въскорі навыче повеліниемъ наставника. И сему убо ділу прилежа, и образъ Спасовъ пиша и Того всенепорочныя Матере, еще же и святыхъ въображениа и лица, и отсуду умъ всякъ и мысль от земьныхъ отводя, весь обоженъ бывааше умомъ и усвоевашеся къ воображениемъ оніх, и большее рачение къ добродітельному житию прилага же, и къ слезамъ обращаашеся. Обачаи бо есть въ многых се, яко егда помянеть любимаго лице, абие от любве к слезамъ обращается. Сице и съи божественыи святитель творяше, от сихъ шаровныхъ образовъ къ первообразным умъ възвождааше. И убо преподобныи отець нашь и Божии человікь без ліности иконы ділааше, наставникъ же сих приемля, раздавааше, ова братиамъ, ова же и нікьіим христолюбивымъ, приходящымъ въ монастырь благословениа ради.

По времіні же благословениемъ и повелінием наставника своего исходит от обители, ни бо достояше таковому человіку не преже проити въся степени и потомъ на учительскомъ сідалишу посадитися. Исходит убо от обители и обходить округъ міста она пустыннаа, и обрітает місто безъмолвно на ріці, нарицаемои Рата, и ту жылище себі водружает. И труды многы подъемлет, и болізни къ болізнемъ прилагает, и поты проливает, и церковь въздвизает во имя Спаса нашего Исус Христа, и келии въставъляет въ пребывание къ приходящеи к нему братии. И в малі времени събрася к нему немало число братии. И съи убо блаженыи печашеся о их спасении, яко отець чадолюбивъ, и не точию словом учаше сихъ, но и д^омъ большее наказуаше тіх. Бяше бо нравомъ кротокъ, молчаливъ же во всем, и не яко старіишина показуашеся братии, но послідни всіх творящеся. Ни же когда разъяряся на кого согрішающа, но с тихостию и словомъ умиренымъ [учаше]. Біаше же и милостивъ толико, яко николи же просящаго убога или странна не отпусти тща, но от обрітающыхся в них подааше, множыцею и вътаи братии, поминая рекъшаго: «Милуяи нищаго, Богу в заимь дает». И самого Господа послушая, повелівающа: «Будете щедри, яко же Отець вашь небесныи щедръ есть». Множыцею бо, не имы что ино дати просящымъ, дааше от иконъ писомых от него, иногда же и власаницу сънемь себе, дасть на пути убогому, то миму зимою.

И в сицевыхъ убо пребывая подвигох же и исправлених. Не мощьно бі граду укрытися, на горі добродітели стоящу, но и князю тогдашьному въ слух прииде добродітельное мужа жытие, и вельможамъ тако же, и просто рещы, всеи страні и земли онои. Тогда бо бяше въ своеи чьсти и времени земля Велынская, всякымъ обильствомъ преимущи и славою, аще и шші по многых ратех не такова, обаче въ благочестии. Всіми убо чтомъ и славимъ бі дивныи съи человікъ, княземь убо и славными вельмужы, и вси слово и учение его приимааху.

Тогда убо прилучися и святителю оному Максиму, иже въ она літа престолъ всея Рускыя земля украшаше, проходити землю ону, поучаа люди Божиа по преданному уставу. Приде же и Божии человіта Петръ съ своею братиею благословенна от святителя приати, и образъ Пречистыя Владычица нашея Богородица, иже бі самъ написалъ, принесе ему. Святитель же Божии оного убо съ братиею благослови, образъ же Пречыстыа с великою радостию приемъ и, златом и камениемъ украсивъ, у собе дръжаше. Въ дни и в нощы моляшеся еи непрестанно о съхранении и съблюдении Рускоя земли, даже до своего жывота. И жытиа убо сего конець премени архнепнскопъ Максим, и тіло его въ гробі положено бысть въ славнои церкви Пречистыя Владычица наша Богородица, приснодівица Мариа, въ преименитом граді Володимери.

Геронтии же нікто, игуменъ сы, дерзну дерзостию восхытити, хотя санъ святительства, не віды, яко всякъ даръ свершенъ свыше есть, сходяи от Бога, отца світом, ни бо слыша Писание, глаголющее: «Ни хотящему, ни текущему, но милующему Богу». Но тако самовластиа недугом объят бывъ, своеумием на таковую высоту дръзну. Нікако и время благополучно себі творяше, никому же възбраняющу ему от таковаго бессловесиа. Подъемлет убо подвиты, приемлет же и святительскую одежду и утварь, еще же и ту самую икону, ю же бі своею рукою отець нашь Петръ написалъ и Максиму принеслъ, поемъ же и жезлъ пастырьскыи и церковныа сановникы, поиде къ Константинуграду, яко готово имія чаемое.

Се же услышано бысть по всеи земли Рускои, даже и до Велыни, еже и мнози негодоваху. Князь же Велыньскыа земли гавіщеваше світ не благь, внхоті Галичьскоя епископии в митрополью претворити, извітом творяся, Героньтиева высокоумиа не хотя. И нападаеть на Петра словесы, подиніщая его къ Царюграду. И се убо творяше на многы дни, овогда самъ князь собою глаголя Петрови, овогда же боляръ и свК[ьникъ своих посылая к нему. И святыи прекланяеться, исходить къ словесемъ их, и самъ убо къ путеви управляшеся. Князь же втаи Петра написует писаниа съ молениемъ къ святому патриарху и къ всему священному сбору, прося молениа своего не погрішити, но того самого Петра на святительскомъ престолі видіти прошаше. И посла убо с писаньми посылает съ Петром.

Геронтиеви же на море пришедшу, на карабль въсходит и къ Царюграду устремляется. Преподобному же отцу нашему Петру море достигшу, таже и на ином місті въ корабль вшедшу и тому же Царюграду поплувшю. Но Горонтьеви злополучьно нікаково плавание случися, буря бо велика в мори въздвижеся, и съпротивънии вітри от носа кораблеви опрішася и нужу велику кораблеви творяху, и влъны великы двизахуся. Петрову же кораблеви тих нікьш и хладенъ, яко же зефиръ, и пособенъ вЬгръ бысть и яко же во сні море прешедшу, къ стінам Констанътинаграда прелетівше.

Геронтиеви же въ печали сущу, в нощы явися ему икона Пречистыа Богородица, ю же бі, яко же преди сказахом, своима рукама Петръ преподобныи написалъ, глаголющи ему сице: «Всуе тружаешися и толику путеви вдалъся еси, не взыдеть на тя святительскыи великыи санъ, его же въсхытити въсхогёлъ еси, но иже Мене написавыи Петръ игуменъ Ратьскыи, служытель Сына и Бога моего и Мои, тъи възведенъ будет на высокыи престолъ славныя митрополиа Рускыа, и престолъ украсить, и люди добрі упасеть, о них же Христос, Сынъ Мои и Господь, кровь Свою, от Мене заимованную, пролиа. И сице богоугодъно пожывъ, въ старости маститі къ желаемому Владаці и Первому святителю преидеть радостно». Таковое бо видіние Горонтии видівъ и словеса услышавъ от честнаго и славныя Пречистыа образа, абие възбудися, начат сказовати всімь сущымъ с нимъ, сице глаголя: «Въсуе тружаемся, братие, желаемаго не получымъ». Онім же вину въпрашающім увидіти, всім видіниа и слышаная сказуеть. И тако по мнозі истоплени и буряхъ, едва възмогоша Царяграда доити.

Но убо, яко же ріхом, преподобному отцу Петру Константинаграда предваривъшу, исходит ис корабля и къ святому патриарху въ преименитыи храмъ святыа Премудрости Божиа Слова въсходит. Бі же тогда патриаршьскаго вселеньскаго престола украшевая святыи Афанасии дивныи. И Петру убо въ двери входяшу, иде же бі патриархъ сідя, благоухание нікое исполнися храмина она. И разумі Духом Святымъ патриархь, яко при ходом Петровымъ благоухание оно бысть, и прият его радостьні, благословлению сподоби его съ веселиемъ. Потомь же, яко вину пришествиа их увіді, абие сборь съзывает священнЬишых митрополитовъ, и избрание по обычаю сътваряют. И явися достоинъ иже и преже рождениа нареченыи Петръ, и в мори тако же образом Пречистыа Богородица. И патриарху убо съ священным сбором божественую таиную службу свершающу, свещает и дивнаго Петра, свегилникъ на свіщьниці поставивъ, яко да в^мъ сущым въ храмині світит, и учителя того и пастуха земли Рускои уставляет. Тогда убо, яко же от нікіих истинныхъ [слышах] повідающых, лице его, рече, просвітися, яко всім служащымъ с патриархом удивитися. От сего убо болшее извещение патриархъ съ всім сбором приимъ, глаголаше, яко «Сеи человіта повеліниемъ Божиим приде к нам, и. Того благодатию добрі стадо упасет, порученое ему». И бысть веселие духовное въ день онъ.

По маліи> же днехъ и Геронтии приде къ Царюграду по многых истомлених, яко же преди написахом. И въсходит и тъи къ святіишему патриарху и, не хотя, вся прилучьшаяся ему сказует, еще же и сонное видіние. Патриархъ же доволна словеса извіща, еще же и от правилъ богоносных отець нашыхъ прирекъ, яко не достоит миряном изъбраниа святительска творити, ни же кому сміти самому на таковыи санъ дръзати, не преже от святаго сбора избранъ, паче же от Пресвятаго и Живоначялнаго Духа назнаменанъ. И ина многа словеса от святых правилъ и божественыих писании изрече ему, абие препокои слово. Ризы же святительскыа с честъною иконою и пастырьскыи жезлъ, тако же и церковныа сановникы прием, в рукы предает истинному святителю и Божию человіку Петру, сице рек: «Приими Богородичныи святыи объразъ, иже ты своима рукама написалъ еси, сего бо ради и вздарие тебі дарова сама икона, о тебі прорекъ».

И оттоле убо свягёишы патриархъ Афанасии на всякъ день бесіда душеполезныа простирааше къ святителю Петру, глаголя сице: «Блюди убо, чадо и брате о Христі възлюбленыи, въ каковыи и толикыи подвига вшелъ еси. Се тебі великыи корабль Христос Богъ поручыл есть наставляти и правити и къ пристанищемъ спасениа привести. Да не обліниш^іся никогда же, да не уныешы, да не отяготишыся великымъ попечениемъ величьства и множьства земля Рускиа. Се приемникъ бысть апостолскаго служениа, ділателя тебе Христосъ винограда Своего постави. Буди подражатель апостолом, буди ученикъ истинныи Спасовъ, яко да и ты съ дръзновениемъ въ второе пришествие Его станешы, взывая: «Се азъ и діти, еже ми еси дал». И таковыми словесы и иными множаишыми всегда блаженнаго поучаа, по днех славно Константинаграда отпусти.

Оному изъшедшю и море благополучні преплувъшу, и къ святіиши митрополи Рускаго престола пришедъшу, и миръ и благословление всім подавшу, начат учити Богом порученое ему стадо, преходя от міста до міста, с велицім^ аще кто речет, смірением же и трудом, и кротостию, поминая рекшаго: «Въ сердці кроткых почиет Богъ». И пакы: «Сердце скрушено и смирено Богъ не уничижыть».

Симъ же тако имящым, не бі лукавому тръпЬги, но яко изъначала человічьскому роду врагъ и ратникъ, не хотя никогда же человічьскую ползу видіти, малу спону святому створи: нЬкыих подгніти не хотіти того пришествиа. По времени же себі зазріша и святителя приаша, и со смирением тому покоришася. Онъ же не токмо зло помни, но и от душа тім отдасть и о них молитву створи, и своему ділу прилежаше.

По времени же пакы зависти ділатель врагъ завистию подходит Андреа епископа суща Тифірьскаго приділа, легъка убо суща умом, легчаиша же и разумом и изумлена суща, и о суетьніи сеи славі зинувша, и поостривша языкъ свои глаголати на праведънаго безаконие. И съплетаетъ ложьная и хулная словеса, и посылает во Царьствующыи градъ къ святіишему и блаженому патриарху Афанасию. Онъ же удивися, невірна та вміни, обаче яко многа суща наваждениа она. Посылает единого от клирикъ церковных святыи Афанасии съ писанием, глаголя сице: «Всесвященніиши митрополит Кыевьскыи и всея Руси, о Святімт Дусі возлюбленыи брате и съслужытель нашего смірениа Петръ. Віси, яко изъбранием Святаго Духа поставленъ еси пастух и учитель словеснаго Христова стада. И се ньіні придоша от вашего языка и твоего преділа словеса тяжка на тя, яко же слухы моя исполниша и помыслъ мои смутиша. Подшыся убо сие очистити и исправити».

Таковое убо писание и словеса посланыи от патриарха клирикъ приемь, Рускоя земли достизает. Но убо шеперная Андріева не утаишася преже того пресвяшенному святителю Петру. И на Бога всю надежу възложив, глаголааше: «Терплю, потерпіхь Господа, внят ми», и «Аше Богъ по нас, то кто на ны?» И яко убо патриархом посланыи клирикъ прииде на Русь, сборъ сбирается въ граді Переяславли. Приходит и боголюбивыи епископъ Ростовьскы Сумеонъ, и преподобныи Прохоръ, игуменъ тогда сыи. Призвану сушу и Андрію епископу Тферьскому, иже бяше самоділатель в^мъ тогдашнимъ молвамъ. Князю бо Михаилу самому въ Орді сушу, но сынове его приидоша, Дмитрии и Александро, и иныхъ князеи довольно, и вельмужыи много, еше же и лучьшии от игуменъ и чернець, и свяшенникъ множество.

Тогда посланыи патриархомъ клирик писаниа и словеса преподобному святителю Петру пред всіми являет, и велику мятежу бывшу о лжывом и льстивом оклеветани на святаго. Толико бо молва бысть, [яко вмале не безместьно что бысть], аше не бы самыи святитель Божии человіта вепль уставилъ, подражая своего учителя Христа, внегда к Петрови рече: «Вонзи ножь свои в ножницу». Кротъка убо учителя кроткыи ученикъ, въ всемъ Ему послідуя, глаголаше бо ко всіми «Братие и чяда о Христі възлюбленная! Не уншы есмь азъ Ионы пророка. Аше убо мене ради волнение се великое, иждените мене, и уляжет молва от васъ. Почто убо мене ради подвижетеся толико?» Обаче онім учителя ради и пастуха добраго вмъ спираюшымся, изыскати хотяшымъ, кто и откуду есть, иже таковаа словеса лживая на отца нашего и святителя възведыи. Обаче злому ділатель не утаися, но вмъ въ явление [прииде неправедное еже на святаго Андреево облъгание], и пред всіми посрамлен и уничыженъ бысть. Святыи же Петръ ничто же не створи ему зла, но предъ всіми словесы учителныими поучивъ его, рече ему: «Миръ ти о Христі, чадо! Не ты се створи, но изначяла роду человічьскому завидяи диавол. Ты же отитні съблюдаися, мимошедшаа Господь да отпустить ти». Князя же и весь причетъ же, и народ тако же довольні поучивъ, с миром отпусти. Сам же къ трудом труды прилагааше, данныи ему талантъ во сто хотя умножыти, смірение же тако же къ смирению приложы, и безъ ліности прохождааше грады же и веси, поучавая порученое ему Богом стадо, ни труда убо, ни же болізнеи телесныхъ ошушая. Тако и въ старость приходя бяше, сирым же убо и вдовицам, и убогымъ, яко присныи отець являашеся.

В тожде время и Сеитъ еретикъ явися, туждаа церкве Христовы и православныя вірш мудрьствуя, его же святыи препрі, и не покаряюшася того, проклятию предася, иже и погыбе.

И яко убо прохожаше міста и грады Божии человію> Петръ, прииде въ славныи градъ, зовомыи Москва, еше тогда мало сушу ему и не многонародну, яко же тіні видимъ есть нами. Въ томъ убо граді бяше обладуя благочестивыи великии князь Иоанъ, сынъ Даниловъ, внука блаженаго Александра. Его же виді блаженыи Петръ въ православии сиаюша и всякыми добрыми ділш украшена, милостива суша до нишых, честь подаваюша святыимъ Божиимъ церквамъ и т?хъ служителемъ, любочестива къ божественымъ писаниемъ и послушателя святых учении книжных, и зіло възлюби его Божии святитель и начать большее иніх містт> жыти в том граді. митрополит кипріян український медієвістика київський петро

Съвевает съвіть благъ князю, съв?гуя ему, яко да створит церковь каменем ставлену во имя Пречистыа [Владычица] нашеа Богородица, приснодивица Мариа, пророчествовавъ сице, яко: «Аше мене, сыну мои, послушаеши и храмъ Пречистыя Богородици въздвигнеши въ своем граді, и сам прославишыся паче иніх князии, и сынове и внуци твои в роды, и град съи славенъ будет въ всіх градіх Рускых, и святители пожывут в нем, и взыдуть «рукы его на плеша врагъ его, и прославится Богъ в нем. Еше же и мои кости в немъ положени будут». Сиа бо словеса князь от учителя с радостию великою прием, начат со тшанием о церкви прилежати. И основанніи бывши, начат день от дне спіяти и въздвизатися. И самому святителю прилежати на всякъ день спішити. И бяше убо веселие непрестанно посріді обоих духовное. Князю убо въ всем послушаюшу [и честь велию подаваюшу] отцу своему, по Господнему повелінию, еже рече къ Своимъ учеником: «Приемляи вас, Мене приемлет». Святителю же пакы толико прилежашу сынови съвоему князю о душевных и телесных, яко с Павлом ему глаголати.

И яко убо начатъ церковь свершатися, проувиді святыи смерть свою Божиимъ откровениемъ, и начат святыма своима рукама гробъ себі творити близъ святаго жертвеника. И по свершении его пакы виді видіние, възвіщающее ему жытиа сего исхождение и къ Богу, Его же изъмлада возлюби, прехождение, и весь радости исполнися. И дневи бывшу, самъ входит в церковь и божественую службу свершает. Помолився о православных же царехъ и князех, и о своемъ сыну, его же возлюби, благочестиваго, глаголю, князя Иоана, и за все благочестивое христианьское множество всея Рускиа земля, и о умрьшых тако же воспоминание створи, и святымъ таинамъ причастивъся. По исшествии же его изъ церкве призывает весь причетъ и доволно поучивъ их, яко же обычаи бяше ему тво рити. От оного убо часа не преста милостыню творити всімн приходяш^ім к нему убогым, такожде же и монастыремъ, и по церквамъ ереомъ.

И яко убо позна свое еже из мира исхождение и час увіді, призывает нікоего именемъ Протасиа, его же бі князь старіишину града поставили Князю бо тогда не прилучися въ граді. ?і же Протасии онъ мужь честенъ, и віренц и всякыими добрыими ділш украшенъ. И рече ему: «Чадо, се азъ отхожу жытиа сего, оставляю же сыну своему возлюбленому князю Иоану милость, миръ и благословление от Бога, и сімени его до віка. Елико же сынъ мои и мене упокои, да въздасть ему Господь Богъ сторицею в мире сем, и жывот вічнши да наслідить, да не оскудіеть от сімени его, обладая містом его, и память его да упространится». Таже елико имяше влагалише, дасть ему, зав^авъ на церковное свершение истъшити то. И всім вкупі миръ давъ, начат вечерню піти. И еше молитві сущи въ устіх его, душа от тіла его исхождааше. Самому рукы на небо въздешу, и тіло убо на земли оста, душа же на небеса възлет? къ желаемому Христу.

И князю убо с великою скоростию в град приспівшу съ всіми велможы своими, о преставлении добраго отца и благаго учителя велми тужаше, и на одръ святаго поставлеше, къ церкви понесоша, яко же обычаи есть мертвым творити. Страшно же нічто прилучися тогда и всякого ужаса исполнено. Человікь нікьш невірие имія къ святому пріжде, и тъ приде посреді народа оного, в помысле своемъ поношая его, глаголя: «Почто самыи князь и толико народа прідходять и послідують единому человіку мрьтву и толику честь дають ему?» И оному убо таковая по[мы]шляющу въ сердци своемъ, абие виді, яко же посліжде съ извіщениемв сказа, святаго на одрі оном сідяща и со обою страну одра народ благословляюща, и князя предидущаго, и послідующии народ. И одръ убо с мощьми къ гробу принесше, иже самъ себі біше уготовалъ, поставляють его в немъ місяца декабря 21 день, иде же и нині лежыт, чюдеса различная точя иже с вірою приходящымъ.

По двадесятихъ же днехъ еже въ гробі положениа его уноша нікни, от рожениа своего имія руци раслаблении отнудь недвижымы, яко ни къ устом мощы принести ихъ, съи убо с теплою вірою къ гробу святаго притече, съ слезами моляся, и абие исціление получы. Потом же слукому исцілениа дарова, сліпому же зріние подасть.

Сия убо тогда явленні сдіяшяся у гроба святаго в маліх днех, яже благовірнии князь Иоанъ написавъ, принесе въ славныи град Володимерь. И зборну убо тогда и празничну дневи сътворшуся, на амъвонЪ посреди церкви прочтени быша. Тогда и онъ тамо прилучися, иже преже невірие имія [к святому], яко же пред и писахом, повіда посреді народа, како виді его на одрі сідяща и благословляюща народы, вънегда къ церкви несом бі. Сиа убо князь услышавъ, и причет, и весь народ, единогласно прославиша Бога и Того угодника. «Прославляющых бо Мя, рече Господь, прославлю». Не преста бо Господь от оного дне даже и донині, знамениа и чюдеса творя у гроба святаго. Приходящеи бо с вірою независтьні приемлють исцілением дары. Болшаа же исцілениа и втаи бывають, и в семъ и по смерти смирение дръжа Божии угодникъ, и таиныя и скровеныя болізни исцілівая.

По времени же прииде Феогностъ пресвященныи митрополит Киевьскии всея Руси, поставленъ святіишим патриархом Исаиемъ. И обріте у гроба святаго Петра толика исцелениа бывающа, посылает къ Царюграду и възв^ает патриарху и всему сбору о чюдесіх святаго. Патриархъ же сборъ сбирает, и писанию митрополичю прочтену сущю, вси единімъ гласом прославиша Бога, прославляющаго святых Своихъ. И восписуеть патриархъ Феогностови съ в^мъ сбором сице: «Пресвященныи митрополить всея Руси и всечестныи о Свягёмъ Дусі възлюбленыи брате нашего смирениа и служитель! Благодать буди и миръ [от Бога] твоему святительству. Писание приахом твоего святительства, повідающее убо и извіщающее о прежде тебе бывшаго святителя Петра тоя же святіишиа церкве, како прославленъ бысть по смерти от Бога, и ближнии Его служитель бысть и угодникъ, яко и чюдесемъ великымъ свершатися от него, и всякиа болізни исцілити. Възрадовахомся убо и възвеселихомся Духом о семъ и долъжное Богови въздахом славословие. А поне же от нас въпрашает увидіти твое святительство, како створити о таковых святыхъ мощех, віси и самъ, каковыи чинъ в таковых имать святая Божиа церковь. Извіщение о том приимъше извістно и неизмінно, таковому церковьному прииметься уставу святительство твое и о том, и піньми священными и славословленми почтет Божиа угодника, и къ предним літом предасть въ хвалу и славу прославляющаго Бога Того славящимъ, Его же благодать буди с твоим святительством».

Таковое убо писание принесено бысть святителю Божию Феогносту. Онъ же въ явление князю и всім сотворяет, и праздник світелъ святому створяют. И оттоли даже и донині празнуемь есть [святыи] по достоиньству. И яко же источникъ чреплемыи болшее истікает, сице и гробъ чюдотворца новаго Петра с вірою приходящим исцілениа истікает душевная и телесная.

К сему же и азъ малу нікую душеполезную повесть приложу, таже слово препокою. Преже сихъ літ, не вімв, како судбами, ими же вість Богъ, и азъ сміренни възведенъ бых на высокыи престолъ сиа митрополиа Рускоя святіишим патриархом и дивным Филофіемв и еже о немъ священнаго сбора. Но къ Рускои земли пришедъшу ми, мало что съпро тивно съприлучити ми ся ради моих гріховю И третиему літу наставшу, пакы къ Царюграду устремихся. И тамо ми достигшу по многыхъ трудів и искушених, надіющу ми ся нікое утішение обрісти, обрітох всяко неустроение въ царех же и въ патриаршьстві. На престолі бо бяше патриаршьском сідя злівъзведеныи Макарии безумныи, деръзнувыи кромі изъбраниа [сборнаго, паче же назнаменаниа] Святаго Духа, наскочити на высокыи патриарьшьскыи престолъ царьскым точию хотіниемъ. Святіиши бо блаженыи онъ патриархъ Филофии бяше преже, тогда украшая престолъ великаго вселеньскаго патриаршьства, иже літа доволна добрі стадо Христово упасе, и на ересь Акындонову и Варламову подвизася, и сихъ учениа раздрушывъ поученми своими, еще же и Григору еретика словесы своими духоносными поправъ, и учениа и списаниа его до конца низъложывъ, и самых проклятию предасть. Книгы многы на утвержение православнымъ написа и словеса похвалная, и каноны сложы многоразличны. Но сего яко свята, и велика, и дивна суща ділом и словом, тогдашнии царь не въсхогё, но того ложьными и оболгательными словесы престола сводить и в монастырь затваряет. По своему же нраву избираеть Макариа нікоего безумна и всякого разума лишена, и кромі церьковнаго преданиа же и устава посаждает. Мерзость запустіниа на місті святім Изгоняеть бо ся Иаковъ, вводить же ся Исавъ, иже и прежде рождениа възненавидіныи. Яко же Аркадии, жены своея послушавъ, заточи Златогласнаго Иоана, Арсакиа же оканнаго престолу его приемника стваряетъ. Но убо дивныи Филофіи и Божии человікщ и медоточныи языкъ, в таковомъ истомлении, болізнехъ нестирпимых, славословя и благодаря Бога не преста. И по літі усну сном блаже ннымъ, душу же в руці Бога живаго предасть. И причтенъ бысть лику патриаршьску, их же и житию поревновавъ.

Царь же, озлобивыи его, царьство напрасно погуби. Макарии же, иже от него поставленыи, судом Божиимъ сборні измітается и извержению, яко злославенъ, и заточению преданъ бывает. На том же убо сборі и азъ со иными святители бых, в том же свитьці изьвержениа его подписах.

Пребых же убо въ оное время въ Константиніграді тринадесять місяць, ни бо ми мощно бяше изыти, велику неустроению и нужы належащы тогда на Царьствующыи градъ. Море убо латиною дръжымое, земля же и суша обладаема безбожными туркы. И в таком убо затворі сущу ми, болізни неудобьстерпимыи нападоша на мя, яко елі ми жыву бы быти. Но едва в себі преидох, и призывах на помощь святаго святителя Петра, глаголя сице: «Рабе Божии и угодниче Спасовъ! Вімь, яко дръзно вение велико иміеши къ Богу и можеши напаствуемым и болным помощы, иді же аще хощеши. И аще убо угодно есть тебі твоего ми престола доити и гробу твоему поклонитися, даи же помощь и болізни облегчание». Віруите же ми, яко от оного часа болізни оны нестерпимыа престаша, и в маліх днехъ Царьствующаго града изыдох и, Божыимъ поспішениемь и угодника Его, приидох и поклонихся гробу его чюдотворивому. Внегда убо приять нас радостию и честию великою благовірньш великыи князь всея Руси Дмитреи, сынъ великаго князя Иоана, внука Александрова.

Такова убо великаго сего святителя и чюдотворца исправлениа, сицевы того трудні и поты, ими же измлада и от самыя уности Богу угоди, их же ради и Богъ того прослави, въздарие ему даровавъ. Се тебі от насъ слово похвално, елико по силі нашеи грубои, изрядныи въ святителех, о них же потеклъ еси, яко безътруденъ апостолъ, о стаді порученомъ ти словесных овцах Христовыхъ, их же своею кровию искупи, конечным милосердием и благостию. И ты убо сице віру сблюде, по великому апостолу, и течение свершы, ясніише наслаждаешыся невечерняго Троичьнаго світа, яко, небесная мудръствовавъ, възлеті благоуправленъ. Нас же, молимъ тя, назираи и управляи свыше. Віси бо, колику тяжесть имать жытие се, в том бо и ты нікогда трудился еси. Но убо поне же тебе предстателя Руская земля стяжа, славныи же град Москва честныа твоя мощы, яко же нікое скровище, честъно съблюдает, и яко же тебі жыву, на всякъ день православнии світлии нашы князи с теплою вірою покланаются и благословение приемлют съ всіми православными, вздающе хвалу Живоначалнои Троици, Ею же буди всім нам получити о самом Христі, о Господі нашем, Ему же подобает слава, честь и держава съ безначалным Отцем, Всесвятым благымъ жывотворящим Духом нынЬ и в бесконечныя вікі, аминь.

За молитовъ святаго отця Петра, новаго чюдотворця, Господи Исус Христе, Сыне Божии, помилуи мя грішника.

В перекладі українською мовою