Государство Русь (IX–XII вв.)

Си бысть предътекущия хрестьяньской земли, аки д?ньница пред солнцем и аки заря предъ св?томъ. Си бо сияше аки луна в нощи, тако и си в нев?рныхъ челов?ц?хъ св?тяшеся аки бисеръ въ кал?: калн? бо б?ша гр?хом, не омовени святымъ кресщением. Си бо омыся святою куп?лью, съвлечеся гр?ховныя одежда ветхаго челов?ка Адама, и въ новый Адамъ обл?чеся, еже есть Христосъ. Мы же речемъ къ ней: «Радуйся, руское познание къ Богу, начатокъ примирению быхом». Си п?рвое вниде въ царство небесное от Руси, сию бо хвалять рустии сынове акы началницю, ибо по смерти моляшеся къ Богу за Русь. Праправеднихъ бо душа не умирают, якоже рече Соломонъ: «Похваляему прав?дному възвеселятся людье»,[166] бесмертье бо есть память его, яко от Бога познавается и от челов?къ. Се бо вси челов?ци прославляют, видяще лежащю в т?л? за многа л?та, рече бо пророкъ: «Прославляюща мя прославлю».[167] О сяковыхъ бо Давидъ глаголаше: «В память в?чную будеть прав?дникъ, от слуха зла не убоится; готово серце его уповати на Господа, утв?рдися сердце его и не подвижится».[168]Соломонъ бо рече: «Праведници въ в?кы живуть, и от Господа мьзда имъ есть и строение от Вышняго. Сего ради приимут царствие красот? и в?н?ць доброты от рукы Господня, яко десницею защитить я и мышьцею покрыеть я».[169] Защитилъ бо есть силою блаженую Ольгу от противника и супостата дьявола.

В л?то 6478. Святославъ посади Ярополка в Кыев?, а Олга в Дерев?хъ. В се же время придоша людье новъгородьстии, просяще князя себ?: «Аще не поидете к нам, то нал?земъ князя себ?». И рече к нимъ Святославъ: «А бы кто к вам шелъ». И отпр?ся Ярополкъ и Олгъ. И рече Добрыня: «Просите Володимиря». Володимиръ бо б? от Малуши, милостьниц? Ольжины;[170]сестра же б? Добрыня, отець же б? има Малъко Любчанинъ, и б? Добрыня уй Володимеру. И р?ша новгородци Святославу: «Въдай ны Володимира». И пояша новгородьци Володимира себ?, и иде Володимиръ съ Добрынею, уемъ своим, к Новугороду, а Святославъ къ Переяславцю.

В л?то 6479. Прииде Святославъ Переяславцю, и затворишася болгаре в город?. И изъл?зоша болгаре на с?чу противу Святославу, и бысть с?ча велика, и одол?ваху болгаре. И рече Святославъ воем своимъ: «Уже нам зд? пасти, потягнемъ мужьскы, братье и дружино!». И к вечеру одол? Святославъ и взя город копьем, рькя: «Се городъ мой!». И посла къ гр?ком, глаголя: «Хощю на вы ити и взяти городъ вашь, яко и сий». И ркоша гр?ци: «Мы недужи противу вамъ стати, но возми на нас дань и на дружину свою, и пов?жьте ны, колько васъ, да вдамы по числу на головы». Се же ркоша гр?ци, льстячи подъ русью: суть бо гр?ци мудри[171] и до сего дни. И рече имъ Святославъ: «Есть нас 20 тысящь» и прирече 10 тысящь, б? бо руси 10 тысящь толко. И пристроиша гр?ци 100 тысящь на Святослава и не даша дани. И поиде Святославъ на гр?кы, и изидоша противу руси. Вид?въ же русь и убояшася з?ло множьства вой, и рече Святославъ: «Уже намъ н?камо ся д?ти, и волею и неволею стати противу. Да не посрамим земли Руские, но ляжемы костью ту, и мертьвы бо сорома не имаеть. Аще ли поб?гнемъ, то срамъ нам. И не имамъ уб?гнути, но станемъ кр?пко, азъ же предъ вами поиду: аще моя глава ляжеть, то промыслите о себ?». И ркоша вои: «Идеже глава твоя ляжеть, ту и главы наша сложим». И исполчишася русь и гр?ци противу. И сразистася полка, и оступиша гр?ци русь, и бысть с?ча велика, и одол? Святославъ, и гр?ци поб?гоша. И поиде Святославъ, воюя, къ городу[172] и другая городы разбивая, иже стоять пусты и до днешьнего дне.

И съзва цесарь в полату бояры своя и рече имъ: «Что створим? Не можемъ стати противу ему». И ркоша ему бояре: «Посли к нему дары, искусимъ Ми, любезнивъ ли есть злату, или паволокам?». Послаша к нему злато и паволокы и мужа мудра и рькоша ему: «Глядай взора его и лица его и смысла его». Онъ же, вземъ дары, приде къ Святославу. И яко придоша гр?ци с поклоном, рече: «Въведете я с?мо». И придоша, и поклонишася ему, и положиша предъ ним злато и паволокы. И рече Святославъ, прочь зря: «Похороните!». Отроци же Святославли, вземше, похорониша. Сли же цесаревы възвратишася къ цесарю и съзва цесарь бояры. И ркоша же послании, яко «Придохомъ к нему и въдахомъ дары, и не позр? на ня и повел? схоронити». И рече единъ: «Искуси Ми единою и еще -- посли ему оружье». Они же послушаша его и послаша ему мечь и ино оружье. Онъ же, приимъ, нача любити, и хвалити, и ц?ловати цесаря. И придоша опять къ цесарю и пов?даша вся бывшая. И ркоша бояре: «Лють сей мужь хощеть быти, яко им?ния не брежет, а оружье емлеть. Имися по дань». И посла цесарь, глаголя сице: «Не ходи къ городу, но възми дань и еже хощеши», за маломъ бо б? не дошелъ Цесаря-града. И вдаша ему дань; имашеть же и за убьеныя, глаголя, яко «Родъ его възметь». Възя же и дары многы и възвратися в Переяслав?ць с похвалою великою. Вид?въ же мало дружины своея, рече в себе: «Егда како, прел?стивше, изъбьють дружину мою и мене», б?ша бо мьнози погыбли на полку. И рече: «Поиду в Русь и приведу боле дружины».

И посла слы къ цесареви в Дерест?ръ, б? бо ту цесарь, ркя сице: «Хочю им?ти миръ с тобою твердъ и любовь». Се же слышавъ, цесарь радъ бысть и посла дары къ нему болша п?рвыхъ. Святославъ же прия дары и поча думати съ дружиною своею, ркя сице: «Аще не створимъ мира съ цесаремъ, а ув?сть цесарь, яко мало нас есть и, пришедше, оступят ны в город?. А Руская земля далече есть, а печен?зи с нами ратни, а кто ны поможет? Но створим миръ с цесаремъ, се бо ны ся по дань ялъ, и то буди доволно намъ. Аще ли начнет не управляти дани, то изнова изъ Руси, съвокупивше вои множайша, и придемъ къ Цесарюграду». И люба бысть р?чь си дружин?, и послаша л?пьшии мужи къ цесареви, и придоша въ Дерьстеръ, и пов?даша цесареви. Цесарь же наутр?я призва я, и рече цесарь: «Да глаголють сли руссции». Они же ркоша: «Тако глаголеть князь нашь: хочю им?ти любовь съ царем гр?цькымъ св?ршену прочая вся л?та». Цесарь же, радъ бывъ, повел? письцю писати на харотью вься р?ци Святославли. И начаша глаголати сли вся р?чи, и нача писець писати. Глаголя сице:

«Равно другаго св?щания,[173] бывшаго при Святослав?, велиц?мь князи руст?мъ и при Св?нгельд?, писано при Феофил? синкел? и ко Иоану, нар?цаемому Цимьскому,[174] цесарю гр?цкому, в Дерьстр?, м?сяца иулия, индикта 14, в л?то 6479.

Азъ Святославъ, князь рускый, якоже кляхся, и утв?ржаю на св?щании семъ роту свою и хочю им?ти миръ и св?ршену любовь съ всякымъ и великымъ цесаремь[175] гр?цьким и съ Васильем и съ Костянтином, и съ богодохновенными цесари, и съ всими людми вашими, иже суть подо мною Русь, бояре и прочии, до конца в?ка. Яко николиже помышляю на страну вашю, ни сбираю людий, ни языка иного приведу на страну вашю и елико есть подъ властию гр?цькою, ни на власть Коръсуньскую и елико есть городовъ ихъ, ни на страну Болъгарьску. Да аще инъ кто помыслит на страну вашю, да язъ буду противенъ ему и бьюся с ним. Якоже и кляхся азъ к цесаремь гр?цьскымъ, и со мною бояре и русь вся, да хранимъ правая св?щания. Аще ли от т?хъ сам?хъ и преждереченыхъ не храним, азъ же и со мною и подо мною, да им?емъ клятву от Бога, в неже в?руемъ -- в Перуна и въ Волоса, бога скотья, да будем золот?, якоже золото се,[176] и своимъ оружьемь да исс?чени будемъ, да умремъ. Се же им?ете во истину, якоже створихъ нын? к вамъ, и написахъ на харотьи сей и своими печатьми запечатахомъ».

Створивъ же миръ Святославъ съ гр?кы и поиде в лодьяхъ къ порогом. И рече ему воевода отень и Св?нгелдъ: «Поиди, княже, около на конех, стоять бо печен?зи в пороз?хъ». И не послуша его и поиде въ лодьяхъ. Послаша же переяславци къ печен?гом, глаголя: «Идеть Святославъ в Русь, възем им?нье много у гр?къ и полонъ бещисленъ, а с маломъ дружины». Слышавше же печен?зи се, заступиша порогы.[177] И приде Святославъ къ порогомъ, и не б? лз? проити пороговъ. И ста зимовать въ Б?лобережьи, не б? в них брашна, и бысть гладъ великъ, яко по полугривн? голова коняча, и зимова Святославъ. Весн? же присп?въши, поиде Святославъ в порогы.

В л?то 6480. Приде Святославъ в порогы, и нападе на ня Куря, князь печен?жьскый, и убиша Святослава, и взяша голову его, и во лб? его зд?лаша чашю, оковавше лобъ его, и пьяху в немъ. Св?нгелдъ же приде къ Киеву къ Ярополку. И бысть вс?хъ л?т княжения Святославля л?т 28».

Размещено на Allbest.ru